m
About Our School

Tota alterum eu vix. Alii tritani liberavisse et vix. Errem tantas postulant an quo, sed scripta suscipiantur eu, ne eum cetero.

m
Follow Us

LA FUERZA PARA AXUSTAR UN BON ESTATUTU

 

LA FUERZA PARA AXUSTAR UN BON ESTATUTU

La reforma l’estatutu que nos dexe tener más soberanía y autogobiernu, igualándonos a otres Nacionalidaes Históriques como la nuesa, anque non reconocida, ye una de -yos prioridaes del Nacionalismu/Soberanismu Asturianu, dende fai más de 40 años.

L´estatutu que nos impunxeron nel añu 1982, fechu por partíos foriatos, a espaldes de -yos necesidaes y sentimientos Asturianos, nun recuellle la nuesa hestoria como pueblu, nin -yos prioridaes pa poder desarrollanos, acompañáu d’un bon financiamientu.

L´estatutu  ye mui importante, ya que va condicionar durante varies xeneraciones el futuru del nuesu pueblu.

El documentu l´Estatutu, ta na sección política d’esta páxina.

Pa consiguir un bon estatutu, lo primero ye facer el partíu fuerte, totalmente desenvueltu, con un bon trabayu frutu de esi desarrolu, que nos dexe entrar nes Instituciones.

La fuerza non solo la da el númberu de diputaos, amás, tien que venir acompañada d’un bon desenvolvimientu de toos temes qu’afecten  Asturies, con un trabayu bien fechu, lo que dexa tener una base social sólida, sofitando’l  proyectu, faciéndolo duraderu. Podemos Asturies ye l’exemplu del fracasu d’un proyectu vacíu ensin futuru.

Podemos Asturies, ensin nengún sentimientu Nacional Asturianu, entró nel añu 2015 nel Parlamentu Asturianu con 9 diputaos, bien fuertes en númberu de diputaos, pero bien débil nel desenvolvimientu de toos temes que nos afecten, lo que-yos torgó faer oposición al PSOE.

Esos diputaos nun fueron consiguíos frutu del trabayu y el esfuerzu del partíu, aprovecharon la necesidá de cambiu que pidía’l Pueblu Asturianu, sofitaos pol réxime del 78, blanqueándolos.

Col enorme trabayu que cuesta entrar nes Instituciones, un partíu como Podemos Asturies, acabante crear, vacíu totalmente de conteníu social y políticu Nacional Asturianu, regálen-yos  9 diputaos al Parlamentu Asturianu.

Podríen habese consiguíu coses importantes, como la reforma’l estatutu y la oficialidá, recuperar  pa lo público les empreses y servicios públicos que se privatizaron, y munchas coses más. Nun fixeron nada. Diéron-y impunidá al PSOE, aprobáron-yos los presupuestos, faciéndolos fuertes.

Nes siguientes elecciones de 2019, pagaron les consecuencies. Pasaron de 9 diputaos a 4 actuales. El PSOE pasó de 14 diputaos a 20 que tien na actualidá.

Siguen pol mesmu camín, ensin faer nengún tipu de trabayu políticu, nin oposición al PSOE, debíu al nulu desenvolvimientu social del partíu. Tán nun procesu de desapaición. Fortalecieron al partíu del réxime del 78, PSOE. Dieron el llombu al Pueblu Asturianu.

Hai intereses bien importantes que torguen reformar l´estatutu y la oficialidá. Esos intereses los representen los partíos políticos non nacionalistes y los  grandes grupos financieros y empresariales especulativos.

Partíos non nacionalistes, los más importantes son el PP, y PSOE.

El PP, herederu directu del franquismu, sigue la mesma llínea que la dictadura, reprimiendo ya intentando desaniciar la nuesa cultura.

El PSOE, tien bien de intereses en nun reformar l´estatutu y la oficialidá, porque sabe que se xuega’l  so futuru. Amás, los grandes grupos financieros y empresariales especulativos que lu controlen, nun-y lo van dexar.

En -yos naciones, nacionalidaes o rexones, onde los partíos independentistes, soberanistes, nacionalistes o rexonalistes, tienen implantación como Galicia, País Vascu, Cataluña, Madrid, Cantabria, el PSOE queda per debaxo en sofitu social, perdiendo Poder y nun tán dispuestos. Siguen la estratexa de Jordi Pujol.

Jordi Pujol, había dicho repitíes vegaes al so amigu y home d’enfotu Lluís Prenafeta, cuando diben axustar a Madrid. Lluís, nun podemos camudar l’estatutu. Si camudamos l’estatutu vamos espertar a la bestia (independentismu).

Eso sigue pensándolo el PSOE en Asturies, pero nesti casu, la bestia para ellos ye’l nacionalismu/ Soberanismu, por eso van lluchar con fuerza para nun camudar nada.

La derecha sigue aplicando lo dicho por Calvo Sotelo “antes una España roja que rota”, pronunciada’l 5 d’avientu de 1935, na que quería significar, que si n’España ganaba la esquierda, más llueu que tarde la derecha recuperaría’l poder, mientres si España rompíase, eso yá nun tenía remediu.

Esta frase la aplicaron  para l’alcaldía de Barcelona nes últimes elecciones de 2019. ERC foi’l partíu más votáu, polo que-y correspondía l’alcaldía de Barcelona. Pero la derecha de Barcelona pel  Canvi – Ciutadans, Manuel Valls, dio-y los votos a Barcelona en  Comú de Ada Coalu actual alcaldesa, para que nun gobernara ERC.

Grandes grupos financieros y empresariales especulativos.

Estos grandes grupos financieros y empresariales especulativos, controlen la gran mayoría de la economía Asturiana, dende’l sector financieru hasta toles empreses privatizaes. Son oligopolios, la gran mayoría fueron sancionaos por práctiques corruptes y sobornar a políticos. Paguen los sos impuestos fora de Asturies. Esploten con crueldá a los trabayadores.

Controlen la gran mayoría de los medios de comunicación, van faer una campaña de manipulación y criminalización na nuesa contra, para que nun podamos entrar nes Instituciones, nin reformar l’estatutu.

El consiguir la reforma l´estatutu cola oficialidá, sería para ellos fortalecer al Nacionalismu/ Soberanismu. Ven un gran peligru, porque pueden perder los sos privilexos especulativos. Quieren que tou siga como ta, siendo ellos los amos de too.

Son grupos de poder bien fuertes, hai bien de dineru en xuegu, controlen los dos grandes partíos PP, PSOE. Van faer una presión brutal sobro ellos, nun-yos van dexar facer nada que refuerce al Nacionalismu/Soberanismu, como la reforma l´estatutu y la oficialidá. 

Son los amos de la gran mayoría de la economía Asturiana

Ser fuertes para liderar la negociación

Para ser fuertes, el partíu tien que tener desenvueltu y trabayáu toos les temes qu’afecten Astuires. Temes sociales (orde públicu dende lo público, solución al problema social de la droga, nueva llei d’extranxería). Llaborales (acabar colos abusos llaborales, recuperar pa lo público toles empreses y servicios que se privatizaron). Control del llobu. Desenvolvimientu del estáu del bienestar (sanidá, educación, servicios sociales públicos). Potenciar y protexer la nuesa cultura. Sofitu a los ganaderos y llabradores. Protección del mediu ambiente (acabar colos  parques eólicos especulativos, protección del espaciu natural pa que nun puedan esplotar la mina d’oru de Salave y munchos temes más.

Estos temes hai que desenvolvelos d’una manera real, ensin interferencies ideolóxiques, buscando’l bien social. El pueblu tien que s’identificar con toos ellos, dexando movilizanos, creando una base social fuerte que nos sofite, para poder entrar nes Instituciones.

L´Ensame Socialista Astur, tenemos toos esos temes bien desenvueltos. Somos un partíu pequeñu, cuntamos con  poca militancia para poder executalos. Esperemos cuntar con más xente comprometíu col nuesu proyectu.

Una parte de la mocedá nacionalista/soberanista Asturiana nun entiende’l nuesu proyectu. Eso ye  por cuenta de qu’hubo munchos intereses, metieron enforma dineru, xente infiltrada en formar a la mocedá Asturiana con un llinguaxe, una forma d’actuar, una manera d’entender la política que xenerara rechazu social y fuéra-yos difícil entrar nes Instituciones.

Cuando se va a una negociación o confrontación hai que saber la fuerza cola que cunta cada unu, -yos prioridaes y los intereses que se defenden.

El PSOE son bien débiles en toos temes antes mentaos qu’afecten Asturies, pola aplicación del so sistema económicu neolliberalismu, que ta destruyendo l’estáu del  bienestar. Tienen muchos intereses en nun reformar nada, xuéguense’l so futuru, igual que nós, van a batallar bien fuerte.

Percima d’ellos tán los grandes grupos financieros y empresariales especulativos, van faer una enorme presión para torgar que nada camude. Son fuertes nel númberu de diputaos que-yos dexa exercer el poder. Tán avezaos a nun conceder nada, ganáronnos toles batalles ensin costu políticu dalgunu porque tienen impunidá. La corrupción tampoco-yos pasó factura. Repunen y reprimen la nuesa Cultura Tienen el sofitu de tolos medios de comunicación, del poder financieru especulativu, de tola derecha y estrema derecha, y en cuando lo precisen, del PCE-IX que controlen.

Para nós, la reforma l´estatutu y l’oficialidá ye bien importante, forma parte del nuesu futuru como Pueblu.

Cuntamos cola necesidá de cambéu que demanda’l Pueblu Asturianu. Con un partíu bien desenvueltu que nos dexa faer ese camudo, creando una base social para poder entrar nes Instituciones.

La única forma de consiguir la reforma l´estatutu, la oficialidá y una bona financiación para llevalo a cabu, ye ser fuertes, dexándonos liderar y marcar los tiempos na negociación, y nun dir a remolque del PSOE, torgando que sía impune, pagando un preciu políticu nes urnes si non acede a la reforma.

Si la negociación la lleva el PSOE porque nos ve débiles tamos perdíos, van tener impunidá para allargar la negociación hasta’l final de la llexislatura, manipoliando, engañando y falsiando tou esi tiempu para nun dar nada.

Si viérense apuraos, fadríen una farsa na votación. Los diputaos que seríen necesarios para que nun saliera adelantre la reforma, abstendríense o votaríen  en contra, echando la culpa a esos diputaos, quedando ellos de bonos.

Para finar, non puede ilusionase a la xente pensando que se va consiguir axustar un bon estatutu y la oficialidá cuando se ye débil como hasta agora. Eso quemó a muncha xente y va siguir quemándola. Hai que ver la realidá y saber encarala.

Toa esa necesidá de cambéu que ye necesariu y  demanda el Pueblu Asturianu, depende del compromisu políticu que tengamos para poder movilizanos y entrar nes Instituciones.

ENSAME SOCIALISTA ASTUR

No Comments

Post A Comment