15 May 25 MAYU DÍA DE LA NACIÓN ASTURIANA

25 MAYU DÍA DE LA NACIÓN ASTURIANA

El partíu nacionalista Ensame Socialista Astur celebra dende la so fundación tolos 25 de mayu comu Día de la Nación Asturiana, fecha hestórica, d’aquel 25 de mayu de 1808, cola constitución de la Xunta Xenera, la proclamación de la Xunta de Gobiernu con tolos atributos de Poder Soberanu y la creación del Exércitu Popular Asturianu, pa lluchar escontra les fuercies Napoleóniques, que fueron vencíes.

Consideramos el 25 de mayu una fecha hestórica, con un ampliu conteníu políticu, que forma parte irrenunciable de la Hestoria d’Asturies, polo que somos una Nacionalidá Hestórica, que los poderes públicos nun quieren reconocer, siguen negando y reprimiendo con fuercia la nuesa Hestoria como Pueblu.

Pa nós el 8 setiembre, día de la Santina, ye una fiesta de carácter relixosu, que respetamos, pero que nun vamos cellebrar como Día de la Nación Asturiana.

Los actos del Día de la Nación Asturiana vamos celebralo, siempre que’l 25 mayu caiga en llaboral, el sábadu o domingu siguiente; esti añu vamos celebralo esti sábadu 27 de mayu.

Los actos consisten en facer el 25 de mayu una  Xunta Nacional,  para tratar diferentes temas Políticos y Nacionales. Dempués el 27, militantes y simpatizantes vamos celebralo en Villaviciosa, onde va haber una corderada, gaiteros, tonada y sidra a esgaya.

Esti añu va coincidir colos 20 años del entamu del partíu, polo que va ser un día mui especial pa nós.

Dende’l Socialismu Asturianu que representa’l Partíu Nacionalista Ensame Socialista Astur, con esta decisión de celebrar el 25 de mayu como Día de la Nación Asturiana, nun pretendemos dividir nin confundir al Pueblu Asturianu, sinon aclarar la nuesa posición, sobre una fecha, 25 mayu, con un valor hestóricu y sentimental, que forma parte irrenunciable del Nuesu Pueblu como Nación, ye’l nuesu deber y obligación celebrar el 25 mayu como Día de la Nación Asturiana.

ENSAME SOCIALISTA ASTUR

(Estaya Política)