25 Ago NON COMPROMISU CON NENGUNA IDEOLOXÍA

NON COMPROMISU CON NENGUNA IDEOLOXÍA

La propuesta que facemos de UNIDÁ, onde un de los puntos ye non tener compromisu con niguna ideoloxía, muncha xente non la entiende. Vamos intentar aclaralo.

Les temes sociales (educación, sanidá, orde públicu, control del llobu, control de la inmigración, solución al problema de la droga, vivienda, recuperar pa lo público de toes  -yos empreses y servios públicos que se privatizaron  etc. Son los que van dexar entrar nes Instituciones.

La xente entiende la política según el trabayu que se faiga nel tarrez social. El nacionalismu Asturinau nun tien na fecho nin desarrollao nestos temes.

Hai que tener encuenta que la situación social de Astuires nun ye la mesma que fai 20 o 25 años, agora ta muncho peor, polo que requier que nos volquemos más nellos. Por eso ye mui importante tener toos temes sociales bien desarrollaos.

Los partios non nacionalistes que tan nes Instituciones, son bien débiles nesos temes sociales, desenvolviéndolos bien, vamos garrar sofitu social, pa entar nelles. Nos, como partiu, tenemoslos toos esos tarreces bien desarrrollaos.

El PSOE, ye débil nestos temes sociales, pola aplicación del so modelu económicu neolliberalismu, que ye la política económica de la derecha.

El PCE-IX, PODEMOS, el desarrrolu d’esos temes sociales tan mui condicionaos pola so ideoloxía, polo que nun los tienen desarrollaos d’una manera real, perxudicando descomanadamente al Pueblu Asturianu. Provocando que también sían mui débiles.

Les ideoloxies fueron feches pa controlar el pueblu. Torguen tener conciencia social, anulando esa conciencia y capacidá para resolver dalgunos temes sociales qu’afecten Astuires, como la inmigracion desafranada que tamos pareciendo, el  caltener orde públicu dende lo públicos, lleis más dures contra la ocupación, la solución al tema de la droga, etc, que requieren para la solución endurecer les Lleis.

Para ellos endurecer les lleis ye pérdida de derechos, llibertaes y represión, polo que nunca van solucionar estos problemes sociales que son mui importantes.

El gran erru del Nacionalismu  Asturianu, foi que desenvolvieron los temes políticos  y culturales, escaeciendo de temes sociales. Gran parte motivao porque entamó con xente mozu esin esperiencia.

Al nun tener desarrollao los temes sociales, los sos militantes nun teníen formación social. Cuando apaecía dalgún tema social como la inmigración, orde públicu, sanidá etc. Siempres taba presente el tema políticu, polo que nunca lo resolvien d’una manera real. Paecíu a los partios non nacionalistes como PCE-IX, Podemos.

Tamién, al tener bien presente’l tema políticu, utilizaron un llinguaxe y unos fechos que nunca entendió la xente normal, provocando un enorme rechazu, motivando ser marxinales.

Nunca pudieron facer campañes de movilizaciones d’esos temes sociales tan importantes, non teníen na qu’ufiertar al Pueblu, torgando garrar sofitu social.

Nun hai que confundir nun tener formación social con ser solidariu. El nacionalismu Asturianu siempres foi solidariu. Cuando hai dalgún comflictu tantu social como llaboral, el Nacionalismu Asturinanu siempres tubu presente sofitando.

Cuando dalgunos militantes Nacionalistes abandonaben eses organizaciones na cual militaben, pa entamar un nuevu proyectu políticu, siempre fracasaben, al non tener formación social, faciendo lo mesmo que cuando militaben nel anterior partíu. Taben totalmente perdíos.

Pa finar, el proyectu de UNIDÁ que plantegamos, un de los puntos, ye non tener compromisu con nenguna ideoloxía, pa poder desarrolar los temes sociales, yá que son mui importantes. Hai que desarrollalos d’una manera real ensin nenguna interferencia ideoloxica. Son los que nos van dexar entrar nes Instituciones y que’l proyectu sía duraderu.

ENSAME SOCIALISTA ASTUR

(Estaya Política)