APOYU A LES/LOS TRABAYAORES D´AYUDA A DOMICILIO

 

 

APOYU A LES/LOS TRABAYAORES D´AYUDA A DOMICILIO

El partíu nacionalista Ensame Socialista Astur sofitamos a les/los trabayadores d’ayuda a  domicilio, qu’en Asturies representen 3.500 trabayadores (el 90% muyeres) en fuelga indefinida poles sos males condiciones llaborales y baxos salarios.

Estes condiciones llaborales son debíes a l’aplicación del sistema económicu neoliberal (política económica de la derecha) privatizando toa clase d’empreses y servicos públicos con sueldos y condiciones llaborales d’esclavitú, emprobeciendo a les families.

 Nin los servicios sociales se llibren de la privatización, estes empreses privatizaes con ánimu d’arriquecimientu,  tán para sacar el máximu beneficiu ensin importa-yos pa nada los trabayadores.

Los partíos políticos que dicen ser d’esquierda (PSOE, PCE-IX, PODEMOS) con representación Institucional, tán totalmente integraos nesti sistema económicu neolliberal, nun busquen el bien social, polo que nun se plantegen la creación d’una empresa pública de servicios sociales.

Si estes/os trabayadores fueren públicos, tendríen un 35% más de sueldu, mayor pensión de xubilación (coticen más) meyores condiciones llaborales. Los servicios públicos empresten un bien a la sociedá, nun pueden ser con ánimu d’arriquecimientu, enxamás pueden privatizase.

Nós, creemos y defendemos los bienes y servicios públicos, namás entrar nes Instituciones, vamos crear una mesa de trabayu para la recuperación de tolos bienes y servicios que se privatizaron, buscando’l bien social, beneficiando a les/os trabayadores y les sos families.

ENSAME SOCIALSTA ASTUR

(Estaya Llaboral)

No Comments

Post A Comment