07 Sep Denunciar ante la opinión pública Asturiana, el Concursu de Microrellatos mineros Manuel Nevado Madrid

COMUNICÁU DE PRENSA

Asuntu: Denunciar ante la opinión pública Asturiana, el Concursu de Microrellatos mineros Manuel Nevado Madrid, que convoca la Fundación Juan Muñoz Zapico de CCOO, por utilizar el nome d’un cacique que fizo tantu dañu a los trabayadores Asturianos .

El partíu nacionalista Ensame Socialista Astur, denuncia ante la opinión pública asturiana, el Concursu de Microrellatos mineros Manuel Nevado Madrid que ta a puntu fallase, convocáu pola Fundación Juan Muñoz Zapico de CCOO, por utilizar el nome d’un cacique que fizo tantu dañu a los trabayadores asturianos .

Manuel Nevado Madrid, un lliberáu sindical de CCOO de la minería, sin nengún tipu d’escrúpulos, yera’l responsable de la federación minera de toa España, con sede en Madrid, dende onde firmaba convenios colos trabayadores Asturianos  en fuelga y encerraos na mina, sin importa-y pa nada les condiciones de  trabayu nin el sufrimientu de los mineros asturianos.

¿Cómo se pretende homenaxar a un cacique que  l’únicu méritu que tuvo foi tar presu col franquismu? Llueu renunció a toos aquellos valores polos que tuvo presu, foi un pactista de peseble, un traidor, formáu nes direcciones de CCOO y del PCE.

¿Qué imaxe  pretende dar CCOO allabando públicamente a esti personaxe que causó un dañu grande a la clas trabayadora del nuesu pueblu?

Los sindicatos mineros (CCOO,SOMA-UGT), son los más corruptos de toa Europa, protagonizando inmensos casos de corrupción na minería, dende utilizar la chequera (hores sindicales) pa sobornos y en beneficiu propiu hasta prexubilaciones millonaries y escandaloses ensin trabayar, teniendo a los trabayadores mineros arrequexaos dafechu, si nun yes de los d’ellos nun tienes derechu a nada, nin subes de categoría, nin puntu compatible en casu d´accidente, nin nada.

Casos vergonzosos  de corrupción, como   la privatización de les ambulancies  d’Hunosa fecha en Madrid, esin contar colos  pequeños empresarios d´Ambulancies Asturianos que lo denunciaron, los guardies xuraos que yeren puntos compatibles y agora punxeron una empresa de seguridá  priva de Madrid, les subcontrates controlaes por ellos col conveniu la construcción sin derechu a nada, la firma de zarru de los pozos más rentables con fuertes inversiones públiques, enterrando miles de millones del dineru de toos, etc.

Otru de los escándalos más vergonzosos foi’l repartise les categoríes los lliberaos sindicales tres firmar los zarros de pozos, como de  vixilantes a Villa (SOMA-PSOE), Marino Artos (CCOO-IU), Hevia (CCOO), etc, enraxonando a los trabayadores, que teníen que cambiar de pozu esin nada y quedándose en fuelga contra los sindicatos(CCOO,UGT) cerca de dos meses, nel Pozu San Mamés d’HUNOSA, sin consiguir nada.

Lo más grave de too esto, ye que nun ye l’únicu cacique sindical al que se-y dan méritos con estos homenaxes.

José Angel Fernández Villa, secretariu xeneral del SOMA-UGT y home fuerte del PSOE n’Asturies, una persona totalmente corrupta,  que violó reiteradamente los drechos humanos cola so collaboración como confidente de la policía franquista, llevando’l sufrimientu a miles de families asturianes, tamién foi homenaxáu pola comisión de festexos del Carbayu en Llangréu,  declarándolu Llangreanu d´honor.

Llangréu  Payares de 2020

Fdo: Xuan Coto Zapico  portavoz nes Cuenques  del partíu nacionalista Ensame Socialista Astur