14 D’OCHOBRE CONCEYU ABIERTU NA POLA SIERO POR UN PROYECTU POLÍTICU D’UNIDÁ

El partiu nacionalista Ensame Socialista Astur, convoca a toos los partios políticos, movimientos sociales, culturales, persones independientes Asturianes, a un  Conceyu Abiertu, que se va celebrar el vienres día 14 d’ochobre de 2022, na sala 2, de la Casa Cultura de La Pola Siero, a les 6 de la tarde, a ver si hai  posibilidá de facer un proyectu políticu d’unidá que tenga futuru.

Por problemes nel local, tuvimos que retrasar el Conceyu, a la fin foi en La Pola Siero.

El fin del proyectu, ye trabayar xunios  por Asturires pa ser más fuertes, permitiéndonos entrar nes Instituciones, para consiguir el máximu grau de soberanía y bienestar.

La unidá, motiva’l votu Asturianu hacia el proyectu. Ye la única posibilidá que tenemos de poder entrar nes Instituciones.

Esti proyectu  lleva un procesu, ta sustentau sobro trés puntos importantes.

 

1-L´entamu, son los puntos minimos imprescindibles que nos van a xunir pa poder desendolcar el proyectu.

 

2- Desarrollu del proyectu, a partir del entamu  desarrolar el proyectu, entre toos los partíos y persones que participen nél.

 

 3- Base social ta sofitada sobro’l proyectu desarrolau.Ye la que va permitir entrar nes Instituciones

L´ENTAMU

YE UN PROYECTU POLÍTICU NON INDEPENDENTISTA.

Eso ye daqué qu’el pueblu nun entiende, nin ta prepara pa ello, nin lu tará nes proximes xeneraciones. El plantegar eso agora, cuando nin siquier tamos nes Instituciones, ciérrasenos la puerta pa siempres pa entrar n’elles. El proyectu naz muertu.

Ye una tema que ta cerrau. Si dalgún día dieren -yos condiciones, abriríamos el alderique.

EL PROYECTU POLÍTICU NUN PUE TENER COMPROMUSU CON NENGUNA IDEOLOXÍA

Esti proyectu políticu, nun pue tener compromisu con nenguna ideoloxía que nos faiga ser dogmáticos a la hora de plantegar los problemes de Asturies.

Nel momentu que se tenga compromisu con dalguna ideoloxía, yá non se ye llibre pa tratar los problemes de Asturies. Siempres se tará condicionau pola ideoloxía. Nunca se van resolver los problemes d’una manera real.

Otra cosa distinta ye que dellos militantes tengan ideoloxía, pero nunca aplicada al proyectu políticu.

NAIDE PUEDE DIR POR LLIBRE

Tamos mui manipulaos pelos medios de comunicación. Les persones que formen parte del proyectu, tienen que garrar  toos unos compromisos mui serios de respetu, tolerancia, falar un llinguaxe qu’entienda la xente normal.

Una mala actuación de algúm militante, pue tirar enbaxo el trabayu de muncha xente mientres munchos años.

EL/LA VOCERA DEL PARTÍU

El/a vocera del partíu, tien que ser una persona que sepa tresmitir el trabayu del partíu, que tenga oratoria, que sepa desendolcase sobre toos les temes que trabaya’l partíu, que tenga retruque, qu’aguante la presión, que nun se vienda.

A poder ser, que nun tea militando en nengún partíu de los que formen el proyectu. Esto ye debiu a que puede haber malos entendíos, nel sentíu, que pueda pensase que determináu partíu quier aprovechase del proyectu. Eso puede debilitalo.

DESARROLLU DEL PROYECTU

A partir l´entamu, desenvolvemos entre toos el desarrollu del proyectu. Ye mui importante, ye la ferramienta de trabayu.

El desarrollu del proyectu consiste en desenvolver toos temes que nos afecten como pueblu, política, economía,  sanidá, vivienda, educación, servicios sociales, relaciones llaborales, cultural etc.

Nuesu partiu, tenemos toos esos temes desenvueltos, vamos apurrir esperiencia. Les persones que tienen una ideoloxia marcada, el proyectu políticu nun lu van entender, va tar fechu pa trabayar por Asturires buscando’l bien social, pero tamién que sían sosteníos nel tiempu, ensin tar condicionau por nenguna ideoloxía.

Ye mui importante tenelo desenvueltu, yá que naide puede venir a desestabilizalo. Les persones que quieran trabayar con nos, van atopase con un proyectu políticu seriu y con futuru.

BASE SOCIAL

La base social ta fundamentada baxo un bon proyectu desarrollau y les persones que lo integren, que sepan dirixir, defender, y transmitir el conteníu social del proyectu.

Lo formen les persones que dan apoyu social al proyectu, dexando entrar  nes Intituciones, permitiendo qu’el proyectu sía duraderu.

RESUMEN

L´entamu, el  desarrollu del proyectu  y la base social, son los tres pilares importantes pa que el proyectu políticu tenga futuro.

Si non hai un bon entamu, nun hay  un bon desarrollu del proyectu, por lo tanto, tampoco hai base social y el proyectu políticu naz fracasáu.

Organizándonos bien, cola esperienca que tenemos de nun cometer los mesmos erros anteriores, podemos conseguilo

Estos temes nun tan cerraos, van a enrriquecese conla oportacion de toos.

Si nun se puede consiguir el proyectu políticu d’unidá, nós, trabayaremos en solitariu pol nuestru proyectu.

 

ENSAME SOCIALISTA ASTUR

(Estaya Política)

 

 

 

 

 

 

 

No Comments

Post A Comment