DENUNCIAR AL PSOE POR UTILIZAR LA NUESA CULTURA COMO ENGAÑU ELECTORAL

DENUNCIAR AL PSOE POR UTILIZAR LA NUESA CULTURA COMO ENGAÑU ELECTORAL

El partíu nacionalista Ensame Socialista Ástur, denuncia énte la opinión pública al PSOE, tamién al presidente del Gobiernu Asturianu Adrián Barbón, por utilizar la nuesa cultura como enganu electoral, pa percanciar sofitos del sector Asturianu a les elecciones al Parlamentu Européu del 9 de Xunu.

FSA- PSOE, dexóse ver na manifestación del Día de -yos Lletres Asturianes con una pancarta reclamando la oficialidá, cuando son toa mentires y falsedaes, con fines electorales, y desprestixar al so rival políticu del PP en precampaña electoral, porque sabe que nun va aprobar nunca la Oficialidá, igual qu’ellos.

El PP, y PSOE, tienen la mesma política económica y social (neolliberalismu), nun pueden faese oposición, son iguales, por eso usen l’engañu, utilizando la nuesa cultura.

Estes elecciones al Parlamentu Européu del 9 de Xunu son bien importantes para los dos partíos, PP, PSOE.

Al PP les encuestes danlu ganador, eso ye debíu en gran midida pol índiz tan grande d’astención, siendo los más perxudicaos los partíos d’esquierda, la derecha vota siempres.

Al PSOE, van pasalu factura la gastadura nel Gobiernu, por eso’l PSOE de Asturies ta movilizándose, para dir pol votu Asturianista, contribuyendo con una bon resultancia a desaniciar la cayida de votos que va sufrir a nivel xeneral.

Tamién para que la derecha nun gane en Asturies. Ganó les xenerales del 23J de 2023. Agora podría volver ganar, inclusive con más ventaya, fortaleciéndolo y fadría debilitase a la FSA-PSOE. Abriría’l camín para que la derecha gobierne cola estrema derecha Asturies en 2027.

Al PSOE, nun los compromete nesta llexislatura plantegar la reforma del Estatutu y l’Oficialidá, nun dan los númberos (19 PSOE, 3 Convocatoria por Astuires, 1 grupu mistu) sumen 23 hasta 27 que faen falta. El PP niégase, por eso tán envanlentonados.

Recodar, que nun fai nin siquier un añu, nel programa electoral que’l PSOE llevaba para les elecciones al Parlamentu Asturianu del 28 de mayu de 2023 nun incluyeron la reforma del estatutu y la oficialidá porque podría comprometelos. Los sos socios de Gobiernu, Convocatoria por Asturies (PCE-IX, Más País, I´AS) o Podemos si lo necesitase, nunca lo esixeron nin lo van a esixir.

Nun tienen nengún tipu d’escrúpolos nin vergüenza utilizar la nuesa cultura como engañu electoral.

El PSOE si quier trabayar en serio pola nuesa cultura, qu’empiecen desenvolviendo la Llei de Promoción y Usu del Asturianu. Retulando en Asturinu tolos organismos y empreses públiques (Conceyos, centros de salú, hospitales, residencies de mayores etc)  onde pasen a diariu miles de persones, dando normalidá al idioma. Que falen en públicu la nuesa llingua  y nun s’avergoñen como hasta agora. Tamién nel Congresu de los Diputaos anque tengan que traducila. Eso nun lo van faer, siempres se negaron a comprometese

Los compromisos culturales del PSOE para Astuires, siempre acaben xenerando más frustración qu’ilusión y más promeses vacíes que voluntá de cumpliles

Yá ye hora de cuestionar por qué una llingua como la nuesa, que cunta con una tradición ya identidá cultural tan fuertes, inda nun llogró la reconocencia que merez. Los culpables son los dos grandes partíos del réxime del 78 PP y PSOE, siempre se negaron a ello y siguen negándose.

Llevamos años aguantando la ofensiva d’esos partíos fácticos, que nun tienen otru oxetivu que caltener inalterable’l so monopoliu.  Lo qu’amenacia’l so monopoliu nun ye la oficialidá, sinón la entrada nel Parlamentu Asturianu del Nacionalismu que nun forma parte del lobby del 78. Esperemos que sía llueu.

RECORDEMOS

Nestos 41 años d’Estatutu reformóse dos vegaes, nos años (1991 y 1999) en temes puntuales, para adquirir más competencies tresferíes dende Madrid, ensin qu’estos partíos políticos lo pidieran.

Estes reformes fueron aprobaes pol PP y PSOE, negándose ampliales, perdiendo una gran oportunidá para la protección y desenvolvimientu de la nuesa Cultura.

Podemos Asturies, entró nel añu 2015 nel Parlamentu Asturianu con 9 diputaos, ocupando una parte del espaciu políticu del PSOE, obligándolo a reacionar.

Nel añu 2017 La Federación Socialista Asturiana-PSOE celebra un congresu, forzaos pola apaición de Podemos, se posicionan por primer vegada a favor de la Oficialidá, non porque crean nello, si non, para recuperar a través del engañu, parte del electoráu Asturianista que se foi a Podemos. Tamién para que Podemos nun se convirtiera nun referente Asturianista.

Mientres aprobaben la oficialidá nesi congreso de 2017 taben negándola nel Parlamentu Asturinau (2015-2019) cuando daben los númberos y teníen el Gobiernu. Podemos 9 PSOE 14 PCE-IX  5 en total sumaben 28 diputaos, unu más de los necesarios para la reforma del Estatutu y la Oficialidá.

Nes elecciones al Parlamentu Asturianu de 2019 el PSOE llevaba per primer vegada nel programa electoral, la reforma l´Estatutu y la Oficialidá, forzau por estratexies electorales al dir pol votu Asturianu, solo por interés políticu.

Esa estratexia electoral, taba motiva, porque al haber más partios, VOX, PP, Ciudadanos, Foro, Podemos que taba mui fuerte con 9 diputaos el votu taba más repartiu, el PSOE tenía mieu quedara tras y perder diputaos. Tamién la corrupción, el casu Villa, taba bien reciente y podía pasa-yos factura. Por eso fueron pol votu Asturianu plantegando la reforma l´Estatutu ensin creer nella.

El PSOE saca una bon resultau, llogra neses elecciones de 2019- 20 diputaos, Podemos 4, y el PCE-IX 2 precisaben un votu de la derecha de FORO, para llegar a los 27 diputaos necesarios para la reforma d’Estatutu y l’Oficialidá.

El PSOE d’Adrián Barbón (2019-2023), incumple la promesa de reforma del Estatutu y l’Oficialidá, que llevaba nel programa electoral, al sacala al final de la llexislatura, provoca a Foro, al ignóralo nos sos presupuestos. En cuenta de aprobar la reforma del Estatutu, los fai culpables del fracasu, cuando fueron ellos y no Foro, los que llevaben nel programa electoral la reforma del Estatutu y la Oficialidá, nun faciendo nada por que saliera adelantre.

El PSOE, nunca fixeron públicu’l modelu de reforma del Estatutu y la Oficialidá que dicen defender, porque nunca lo tuvieron, nin lo tienen.

Nes siguientes elecciones de 2023 el PSOE sentíase fuerte, tenía 20 diputaos, Podemos atopábase bien  débil, con una crisis interna bien grave a puntu de sumir. Ciudadanos tamién sumía. Foro taben estremaos y débiles.

El PSOE, pensaba que diba coyer los votos d’esos partíos, echó cuentes, pensando que xunto’l PCE-IX, podíen llegar o superar los 27 diputaos, necesarios para la reforma del Estatutu y la Oficialidá, decidiendo por nun lo llevar nel programa electoral porque los comprometía. Pero salió-y mal, con cuenta de sumar restó, pasó de 20 diputaos a 19 actuales.

El PP y PSOE, nunca camudaron de postura al respective de la reforma del Estatutu y la Oficialidá, teniendo la mesma que fai más de 40 años. Totalmente en contra.

El PSOE Y PP tienen dos maneres d’acabar cola cultura y l’identidá Asturiana. Destruyéndola ensin piedá y cola cara destapada como fixeron hasta agora, o con  mentires y falsedaes como ta faciendo anguaño’l PSOE, que ye una forma inda más cobarde d’aplicar la destrucción, sofitaos pol PCE-IU y Podemos.

ENSAME SOCIALISTA ASTUR

(Estaya Cultural)

No Comments

Post A Comment