13 Feb DENUNCIAR LOS PRESUPUESTOS DE 2023 DEL GOBIERNU DE ASTURIES, POR REFORZAR EL NEOLLIBERALISMU, DESTRUYIR L’ESTÁU DEL BIENESTAR, POTENCIAR LA ESPLOTACIÓN LLABORAL Y FAVORECEN LA ESTREMA DERECHA

DENUNCIAR LOS PRESUPUESTOS DE 2023 DEL GOBIERNU DE ASTURIES, POR REFORZAR EL NEOLLIBERALISMU, DESTRUYIR  L’ESTÁU DEL BIENESTAR, POTENCIAR LA ESPLOTACIÓN LLABORAL Y  FAVORECEN LA ESTREMA DERECHA

El partíu nacionalista Ensame Socialista Ástur, denuncia ante la opinión pública, a PCE-IX y Podemos, por aprobar los presupuestos de 2023 al PSOE, que refuercen el neolliberalismu, destrúin l’estáu del bienestar, potencien la esplotación llaboral, favorecen  la estrema derecha, emprobreciendo más Asturies, al siguir  empeñando a tolos Asturianos.

PCE-IX y Podemos dos partíos que dicen ser d’esquierda, apruében-y los presupuestos al PSOE, nin siquier plantegar la recuperación para lo público de tolos bienes y servicios públicos  que se nos arrampuñó, potenciando’l neolliberalismu, emprobeciendo a les families, dando impunidá al PSOE.

Estos presupuestos siguen destruyendo l’estáu del bienestar, al nun tratar el tema de la sanidá pública y siguir con estes llistes d’espera, para operaciones  o recibir un diagnostico.

Fomentar a la estrema derecha, al sentise los trabayadores abandonaos. Despreciar les temes sociales como caltener l’orde públicu dende lo público, solucionar la tema social de la droga. Torgar la esplotación llaboral y nun plantegar una nueva llei d’extranxería, que ye onde la estrema derecha recibe más sofitu social.

Estos presupuestos emprobécennos más, al siguir empeñándonos, son  con déficit, gasten más dineru qu’ingresen, lo qu’aumenta más la delda, tando entorno a 4.500 millones d’euros, pagando los interés con  más creitos y delda pública.

Podemos y PCE-IX, aprobando estos presupuestos dan al PSOE impunidá, reforzándolo pa que siga despreciando Asturies.

Tantu Podemos como al PCE-IX, arrenunciaron faer política en Asturies, lo que-yos interesa ye’l Parlamentu de Madrid, onde se remana tou.

Güei el PSOE, ye un partíu ensin ideoloxía nin sentimientos sociales, cola mesma política económica que’l PP, totalmente  integráu nos grandes capitales financieros y empresariales especulativos, ensin nengún tipu de moral, nun busca l’interés nin el beneficiu social, sofitáu por Podemos y el PCE-IU

PSOE y PCE-IU DOS PARTÍOS IGUALES

Ente’l PSOE Y PCE-IU, siempre hubo bon entendimientu por intereses mutuos dende la transición, Gobernando xuntos, tanto na Xunta como en Conceyos cuando se precisaben.

Los dos utilizaron a los sos sindicatos hermanos, SOMA-UGT, CCOO, en práctiques corruptes y fraudulentas para beneficiase, utilizando la empresa pública.

Cuando había elecciones, a través d’esos sindicatos, pagábase a trabayadores d’eses empreses públiques con hores sindicales (la chequera) por dir pegar cartelos o de interventores pa esos partíos, una práctica corrupta, fraudulenta ya illegal.

Los dos aplicaron el neolliberalismu (política económica de la derecha) onde gobernaben xuntos o sofitándose, privatizaron toa clase de empreses y servicios públicos.

Los dos traicionaron a les sos bases y militantes, que munchos fueron asesinaos, sufrieron cárcel, esiliu, represión, por defender unos ideales d’esquierda.

Los dos acabaron cola Caxa d’Aforros d’Asturies, un bien público, traicionando l’espíritu fundacional.

Los dos despreciaron la nuesa Cultura y xente, negándose a dar la Oficialidá cuando gobernaron xuntos nel Parlamentu Asturianu nel 2008.

Los dos regaláron-y grupu parlamentariu a Vox.

En -yos últimes elecciones Municipales y de la Xunta de 2019, el PCE-IU presentáronse solos, ensin Podemos, llogrando dos diputaos. Para tener grupu parlamentariu, precisábense como minino 3 diputaos, polo que nun podíen tener grupu parlamentariu.

Per otra parte, nun tener grupu parlamentariu, supon perder munchu dineru en subvenciones y tamién asesores.El PCE-IU, foi a pidir al PSOE, que yos diera grupu parlamentariu, que taben mui mal de dineru y non podien pagar los salarios de los sos empleaos.

El PSOE, utilizando una práctica marrullera, caciquil, saltándose la Llei, accedió a dayos grupu parlamentariu, pero punxo una condición, que los sofitaren na Xunta y los Conceyos cuando los precisaren.

Toos esos alcuerdos cumpliéronse menos en Llanes, onde los Conceyales del PCE-IU negáronse sofitar al PSOE, siendo espulsaos del partíu, pasando al grupu mistu.

Esos alcuerdos, tan vacios de conteniu social, económicu, cultural, medioambiental pa Asturies, solo tienen interés económicu y personal.

Al dar al PCE-IU, grupu parlamentariu con dos diputaos, tuvo que dalu a Vox y Foro, que tamién teníen dos.

El gastu social que nos ta provocándo a toos los Asturianos esta práctica caciquil, marrullera, de dar grupu parlamentariu con dos diputaos saltándose la Llei, ye enorme, van a les Instituciones a beneficiase, ensin importayos nada’l Pueblu.

ENSAME SOCIALISTA ASTUR

(Estaya Política)