L’AMENAZA SOBRE LA NUESA CULTURA

L’AMENAZA SOBRE LA NUESA CULTURA

LLEGADA DE LA ESTREMA DERECHA AL GOBIERNU ASTURIANU

La nuesa Cultura siempre tuvo seriamente amenaciada, primero polos partíos non nacionalistes que dicen que son d’esquierda ( PSOE, PCE-IX, PODEMOS) negándose a reconocela, desenvolvela y protexela, al traviés del Estatutu aprobáu nel añu  1982, y agora cola posible llegada de la derecha y l’estrema derecha al próximu Gobiernu Asturianu.

Cuando s’axustó l’Estatutu d’Autonomía de Asturies por parte del PP, PSOE, PCE, foi coles mires de que si dalguna vegada pretendía reformase, fora bien difícil, yá que tendríen que cuntar col sofitu de los dos grandes partíos, PP, PSOE, que s’opondríen a ello, como pasó durante estos más de 40 años. Hubo bien poques llexislatures onde solo se precisara a unu de los dos, PP, PSOE.

Para la reforma, precísense los trés quintos  del Parlamentu, que son 27 diputaos. Durante estos más de 40 años d’Estatutu, nunca quixo reformase.

Los partíos que dicen representar a la izquierda, PSOE, PCE-IX, PODEMOS, siempre se negaron a ello, al igual que los de dereches, PP, URAS, FORO.

Nel añu 2014 naz Podemos. Nel añu 2015 antes de les elecciones al Parlamentu Asturianu, un grupu de persones, antiguos militantes del Asturianismu/ Nacionalismu, se incorporen a Podemos col enfotu de influyir sobre ellos en temes rellacionáivos col el nuesu Pueblu, como reforma del Estatutu y la Oficialidá, temes culturales, llaborales, sociales, económicos etc.

Podemos Asturies, ensin nengún sentimientu Nacional Asturianu, entró nel añu 2015 nel Parlamentu Asturianu con 9 diputaos. El PSOE con 14 PCE-IX con 5 en total sumaben 28 diputaos, unu más de los necesarios para la reforma del Estatutu y la Oficialidá.

Podemos pasó del sector Asturianista, facilitando’l gobiernu al PSOE de Javier Férnandez, del sector más derechiegu y anti Asturianu del PSOE, ensin nenguna condición, cuando los númberos daben para la reforma del Estatutu y l’Oficialidá. Tamién-y aprobó los presupuestos.

Nes siguientes elecciones de 2019, pagaron les consecuencies. Pasaron de 9 diputaos/as a 4. El PSOE pasó de 14 diputaos/as a 20.

Nes elecciones de 2019 el PSOE presenta de candidatu Adrián Barbón, llevaba nel programa electoral la reforma l´Estatutu y la Oficialidá, forzau por estratexies electorales, utilizando una manera mui puerca de algamar sofitu social, atraviés de la nuesa cultura y xente, al dir pol votu Asturianu, solo por interés políticu.

El PSOE llogra neses elecciones de 2019, 20 diputaos, Podemos 4, y el PCE-IX 2, precisaben un votu de la derecha de FORO, para llegar a los 27 diputaos necesarios para la reforma d’Estatutu y l’Oficialidá

Podemos siguen pol mesmu camín, desabriéndose del sector Asturianu del partíu, ensin faer nengún tipu de trabayu políticu a favor de Asturies, nin oposición al PSOE, facilitando de nuevu’l Gobiernu al PSOE d’Adrián Barbón y sofitándolo nos presupuestos, ensin condiciones.

Durante el mandatu del PSOE d’Adrián Barbón (2019-2023), incumple la promesa de reforma del Estatutu y l’Oficialidá, que llevaba nel programa electoral, al sacar a la fin de la llexislatura, provoca a Foro, al ignóralo nos sos pidimientos en cuenta de aprobar la reforma del Estatutu, los fai culpables del fracasu, cuando fueron ellos los que llevaben nel programa electoral la reforma del Estatutu, nun faciendo nada por que saliera adelantre.

Tán intoxicando, faciendo ver el PSOE, que tan dispuestos a dar la oficialidá cuando son too mentires y manipulaciones.

Los partíos Nacionalistes nun podemos dir en coalición colos non Nacionalistes, nun funciona. Galicia foi un bon exemplu con Les Marees, nes cualos taba tamién Podemos, acabaron desapaeciendo dempués del gran ésitu que tuvieron. Los non nacionalistes tienen intereses opuestos a los nuesos, nun son de fiar, non -yos importa Astuires, nin la so xente, non ye el so Pueblu.

Una parte del Asturianismu qu’integró en Podemos, dempués de la humildación a la que fueron sometíos, coló pa casa bien quemaos, al nun consiguir nada dempués de dos llexislatures.

Otra parte más pequena  tovía siguen pensando en dir xuntos colos partíos non nacionalistes dempués de la decepción, llanzando proclames a favor d’una candidatura d’unidá con esos partíos non Nacionalistes. Nun aprendieron, a pesar de la humildación y el despreciu al que los  sometió Podemos.

 LLEGADA DE LA DERECHA Y ESTREMA DERECHA AL GOBIERNU ASTURIANU

Los partíos que dicen representar a la izquierda nes Instituciones (PSOE, PCE-IU, PODEMOS), tán totalmente integraos nesti sistema económicu neolliberal, aplicando les sos polítiques, emprobeciendo a -yos families, destruyendo l’estáu del bienestar

Los/las trabayadores siéntense engañaos, abandonaos y traicionaos por esos partíos d’esquierda a los qu’antes votaben.

Munchos d’esos trabayadores que votaben a la izquierda agora nun voten, los que lo faen, voten pola derecha y l’estrema derecha.

En Asturies la estrema derecha de VOX ta entrando con fuerza. Les cuenques mineres de tradición d’esquierda, VOX tán yá n’en los Conceyos (Mieres, Llangréu, Siero, Ayer, Llaviana)

Nel Parlamernto Asturianu, dobló los diputaos, pasando de dos a cuatro actuales. La derecha y l’estrema derecha gobiernen los conceyos más importantes, Uviéu (la derecha), Xixón (derecha y estrema derecha).

La derecha y estrema derecha ganaron les elecciones xenerales del 23 de xunetu, quedando a un diputáu de ganar les del Parlamentu Asturianu y Gobernar.

El próximu Gobiernu Asturianu de 2027, hai munches posibilidaes que sía de derecha y d’estrema derecha.Van siguir recoyendo’l descontentu, xuníu al desgate de los partíos d’esquierda que gobiernen en Madrid, tán poniendolo bien fácil para faese col Gobiernu Asturianu.

La estrema derecha ta llena d’odiu y rencor escontra la cultura de los pueblos y la xente que nun piensa como ellos.

La estrema derecha lo primeru que van faer ye apoderase de la Conseyería de Cultura, y cepillar tolo que nun tea protexíu nel Estatutu.

En Asturies van tenelo bien fácil, tenemos el mesmu Estatutu que cuando s’aprobó nel 1982, nun hai nada amarráu, pa que nun puedan destruyilo.

Lo primero, van derogar la Llei de Promoción y Usu del Bable, Asturianu, que ye una llei Autónómica, nun tien apenes utilidá, siempres de negaron (PSOE, PCE-IX, PODEMOS) a desenvolvela.

Van siguir destruyendo les poques meyores que tenemos que nun tán protexíos, como los Programes de la Nuesa Cultura na televisión (TPA). Quitar subvenciónes-yos para la promoción (lliteratura, música, cine, asociaciones, de política llingüística, etc).

Van amenorgar a lo mínimo o quitar -yos clases de Asturianu na educación. nun va quedar rastru de promoción, desenvolvimientu y protección  la nuesa cultura.

En País Valencià y les Illes Balears cuando entraron dempués de les elecciones del 28 de Mayu de 2023, foi lo primero que fixeron, cepillar tou los que nun tea amarráu. En Xixón yá lo intentaron, non pudieron llevar a cabu por un trásfuga, afloxó daqué la cosa, pero’l peligru sigue.

La derecha y estrema derecha siéntense fuertes. L’ataque al idioma Asturianu  ye cada vez más agresivu y más xeneralizáu. Yá nun s’escuenden, agora yá nos falten na cara directamente

Hai una llarga llista de les  agresiones, humildaciones, faltes de respetu, desprecios, desconsiderances y escarnios que sufrió l’idioma Astunianu y los Asturianos (pol fechu de ser Asturianos  y espresanos nel nuestru idioma) a lo llargo de la hestoria. Tenemos motivos d’arrayadures; toos sufrimos en dalgún momentu de la nuesa vida, dalguna d’estes faltes de respetu, precisamente, por eso, toos tenemos l’autoestima llingüística estropiada.

Ye tiempu d’esmolición pol estáu de la nuesa Cultura. En Astuires, yá va años que l’usu social del idioma Asturianu recula costantemente, y la baxada yá afecta espacios que se consideraben más protexíos de les inxerencies llingüístiques, como la familia, la educación.

Énte esta ofensiva llingüística del castellán, continuamente gana terrén a la llingua autóctona. Cuanto más débiles somos los/les defensores del nuesa Cultura, más posibilidaes de que los estremistes avancen hacia el poder, lo controlen y lo destruyan.

Hai un ciertu desanimu nes files del Asturianismu, tamién cansanciu, pola amenaza y persecución que sufre la Nuesa Cultura, fueron munchos años de despreciu, humildación y falsedaes, ensin consiguir nada.

La Nuesa Cultura muerre cuando nun hai quien la defenda nes Instituciones. Agora yá nun ye tiempu de reproches, de victimizar, de quexase polo que nos faen o nos dexen de faer, agora ye’l momentu de reaccionar y comprometese políticamente para poder entrar nes Instituciones.

La mocedá Asturiana ta creciendo ensin referentes políticos Nacionalistes que tean nes Instituciones, eso ye bien doliosu para les persones que tamos trabayando para camudar la situación.

ENSAME SOCIALISTA ASTUR

(Estaya Cultural)

No Comments

Post A Comment