04 Feb L’Estatutu

L´ESTATUTU

Un Estatutu, ye un documentu que reflexa´l modelu de pueblu que queremos p´Asturies.

Nel Estatutu, tien que venir recoyíu’l modelu de sanidá, educación, inmigración, servicios sociales, tributos, derechos y deberes de los ciudadanos y de les alministraciones públiques, xusticia, cultura, día de la Nación Asturiana etc, que queremos p´Asturies, asina como la financiación pa poder desarrollalo.

Un Estatutu ye mui importante, ya que va a condicionar durante varies xeneraciones el futuru del nuesu pueblu.

Recordar, que´l  90% del gastu social en (educación, sanidá, servicios sociales etc) ta tresferío a les  Comunidaes Autónomes, pero la recaudación, quier dicise, los impuestos( IVA, IRPF, combustible, tabacu, llotería etc) pa financiar esi gastu social, sigue teniéndolos Madrid, cediendo dalgunos impuestos cuasi insignificantes.

L´actual marcu Estatutariu ye un modelu que ta agotáu, como lo demostraron varios artículos del Estatut Catalán que fueron anulaos porque viola la Constitución; primero hai que reformar la Constitución y llueu reformar los Estatutos, yá qu’un Estatutu nun pue alteriar la Constitución.

Esa reforma de la Constitución, tien qu´establecer un Réxime Federal Auténticu, dexando la puerta abierta a convocar referendos de secesión. Lo que nun se pue facer, ye como agora, que los nacionalistes de Cataluña  convocan un  referendo de secesión, olos de  Euskadi los esixe, sabiendo que nun se puen facer.

Tamién la reforma del Senáu, como cámara de representación territorial (exemplu Busdesret en Alemania) estableciendo mecanismos de coordinación de calter políticu-Institucional ente les autonomíes y l’estáu, que garantice la presencia de los gobiernos autonómicos  na toma de decisiones del gobiernu central, acompañao de la Institucionalización de la Conferencia de Presidentes de Comunidaes Autónomes.

El negociar un bon Estatutu en tolos aspeuctos, tanto políticu, social, cultural, como de financiación, va condicionar el poder disfrutar d’unos servicios sociales de calidá, y d’unos avances políticos y culturales mui importantes pal desarrollu y futuru del nuesu pueblu.

Nin el PP, PSOE, VOX, PODEMOS- PCE-IU, quieren un Estatutu fuerte p´Asturies, tan cómodos como tán, Asturies nun ye’l so pueblu, tienen intereses distintos a nós como pueblu.

L´estatutu actual ye de xineru de 1982

El Gobiernu del Parlamentu de Madrid, presidíu pol Sr José Luis Rodríguez Zapatero, durante el so mandatu (2004-2011)  autorizó la reforma de los Estatutos Autonomía, para que cualquier  Comunidá Autónoma que quixeren reformalos podríase facer. El PP oponíase a la reforma.

Reformáronse nes Comunidaes Autónomes de Cataluña, Valencia, Andalucía, Aragón, Castiella y Llión, Navarra, Estremadura, Illes Balears.

En Astuires nun se reformó pola negativa del gobiernu de coalición (PSOE, PCE-IX-BLQ-VERDES), a incluyir nesa reforma la Oficialidá, perdiendo una gran oportunidá.

Recordemos los fechos

Nel añu 2008 hubo un intentu de reforma del Estatutu, con el  Gobieru de cualicion PSOE, PCE-IU-BLQ-VERDES, que nun se llevo a cabu por que non contemplaben la oficialidá.

Recordando lo que paso nesi intentu, de reforma l´Estautu de 2008, fue que  enantes de ponese  a falar, el PCE-IU-BLQ-VERDES, col tema de la  cultura que resultaba más comprometío pa ellos, pretendíen solucionalo cola guerra sucia, como siempre lo ficieron.

Aconceyáronse en Salas, porque son verdaderos maestros nello, encabezaba la delegación el desapaeciu selmanariu Les Notices, y toa la xente del entornu del PCE-IU-BLQ-VERDES.

La misión d’ellos, yera intoxicar y manipular, pa influyir sobre la opinión pública Asturiana y los ambientes Asturianos pa facer ver que´l gobiernu del PSOE, PCE-IU-BLQ-VERDES, consiguió coses importantes na defensa de la nuesa cultura, y que se podía protexer el nuestru idioma (Asturianu e Eonaviego) esin necesidá de facelu oficial, porque la Reforma del Estatutu que pretendíen camudar nun contemplaba la Oficialidá.

A la vez que arremetíen con fuercia y desprestixaben a Instituciones Asturianes como L´Academia de la LLingua Asturiana, grupos culturales como La Xunta pola Defensa de la LLingua, que taben lluchando pola nuesa cultura y que nun veíen nengún avance col  gobiernu( PSOE, PCE-IU-BLQ-VERDES). Despues arrenunciaron nello, pol enorme rechazu social que xeneró.

Agora 13 años después, vuelven con lo mesmo, intentando sacar reditu políticu con el engañu y la manipulación.

El PSOE, llevaba nel programa electoral de 2019 la reforma l´ Estatutu, forzau por estratexies electorales, utilizando una manera mui puerca de algamar sofitu social, atraviés de la nuesa cultura y xente, al dir pol votu Asturianu, solo por interés políticu.

Esa estratexia electoral, taba motiva, porque al haber más partios, VOX, PP, Ciudadanos, Foro, Podemos que taba mui fuerte con 9 diputaos el votu taba más repartiu, el PSOE tenía mieu quedara tras y perder diputaos. Tamién la corrupción, el casu Villa, taba bien reciente y podía pasa-yos factura. Por eso fueron pol votu Asturianu plantegando la reforma l´Estatutu ensin creer nella.

Tán intoxicando, faciendo ver el PSOE, que tan dispuestos a dar la oficialidá cuando son too mentires y manipulaciones.

 NUN VA VER OFICIALIDÁ

La cultura y la economía van de la mano, a mayor cultura Asturiana, mayor economía Asturiana.

El PSOE, nun quier ni cultura ni economía Asturiana, si non, la  aplicación del so modelu económico, neolliberalismu, incompatible col desarrollu de un modelu económicu y social más xustu y Asturianu.

El dar la Oficialidá, ye recupedar una parte importante de la cultura Asturiana, pa dar más cultura al Pueblu. Eso ye un impedimentu grande pal desarrolu del so mudelu  económicu (neolliberalismu) que tan aplicando, que ye la política económica de la derecha. Vei el documentu Neoliberalismo

Al dar más cultura, el pueblu tien más conciencia, ta mas xuniu, y va lluchar encontra esi modelu economicu (neolliberalismu) inxustu, que favorez a los ricos frente a les clases trabayadores, permitiendo l’espoliu de la nuesa riqueza.  El neolliberalismo produz la miseria de munchos a cuenta de la riqueza de pocos

El PSOE nunca van dar la oficialidad, ni nada que meyore la nuesa cultura, a nun ser que se vean forzaos pola entrada del nacionalismu d’esquierda nes Instituciones, no yos quedando más remediu que votar a favor.

La Federación Socialista Asturiana, siempre dixo que nunca diben dar la oficialidad, ya que a los Asturianistes había que tenelos entretenios pidiendo la Oficialidad, asina nun pidien otres coses como más soberanía.

Por otru llau el Sr Barbón ta envalentonao diciemdo qu’el ta a favor de la oficiadad nesta reforma, cuando tubu 8 años d’alcalde de Llaviana y nun fizao na pola Cultura Asturiana.

Lo que pretende’l sr Barbón, ye  xenerar opinión pública favorable para promocionase a una categoría política más  alta de dalgún ministeriu de los importantes, que lo llance a la presidencia del Gobiernu d’España.

Apenes queden añu y mediu pa -yos elleciones Municipales y Autonómiques y espurrieren  esti teatru, pa dempués sacar reditu polítucu en campaña electoral, porque van pol votu asturianu otra vegá, faciendo ver qu’ellos son los defensores de la cultura Asturiana .

Si viérense forzaos  a votar  la oficialida, cosa pocu provable, siempre va haber dalgún diputau  del PSOE, que esi día nun foi al plenu por dalgún motivu que s’inventen, y asina va retrasar la votación pa que nun puédase facer nesta llexislatura.

Tantu’l PCE-IX como Podemos, siempre lo punxeron bien facil al PSOE, faciendolos más fuertes, porque tan vacios de conteniu políticu, económicu, social y cultural Asturianu. Nunca van condicionar l’aprobación de los presupuestos o la investiduta, a la reforma del Estatutu y l’Oficialidá, yá que nun tienen nengún tipu d’interés na nuesa cultura y xente..

Llegaron a un acuerdu pa los presupuestos de 2022, el PCE-IX vota a favor y Podemos se abtien, ensin condicionalos a la reforma del Estautu y la oficialidá, asina  que’l PSOE sabe que con estos partios tien les manes llibres pa siguir despreciándonos y humildándonos como pueblu,  nunca va dar la oficialidá, amás de siguir  cola so política económica neollibleral, que tantu dañu ta faciendo a -yos families Asturianes

Podemos y PCE-IX tamien aprobó los  presupuestos a Javier Fernández, un de los presidentes que más despreció y humildo la nuesa cultura.

El PSOE nestos presupuestos utilizó una guerra mui puerca contra Foro, axusto los presupuestos con Ciudadanos y ignoró a Foro, (cuando los anteriores los negoción con ellos) sabiendo que son imprescindibles pa la reforma l´estatutu.

Foro tenía que presentase énte los sos militantes y opinión pública con dalguna propuesta d’ellos positiva nestos  presupuestos, pa poder axustar ensin presión de los suyos l´estatutu, yá que se xuega el futuru.

Agora Foro va a esta negociación l´estatutu, ignorau, con muncha tensión, presionau, desilusioanu, y colos sos militantes mui cabriaos col PSOE, por ignoralos nestos presupuestos, ye lo que taba buscando’l PSOE, enoxar a Foro pa nun llegar a nengún acuersu nesta reforma l´estatutu y oficialidá y asina quedar ellos como los grandes trunfadores.

El PSOE al ignorar a Foro nestos presupuestos para’l 2022  consiguió dos coses:

Facelos irrelevantes de cara a la opinión pública, poniendolos al mesmu altor que’l PP y VOX, causandolos un duru golpe, pa que la xente nun los vote nes proximes elleciones, desaniciandolos, y diendo por el so votu Asturianu.

Enfadalos, pa un llegar a nengún acuerdu na reforma l´estatutu, yá que Foro nun va roblar la reforma l´estatutu y la oficialidá, si non apaez énte la opinión pública y la so xente con dalguna propuesta d’ellos que viendan como un exito, como pue ser rebaxar nel impuestu sucesiones, dalguna baxada d’impuestos o dalguna cosa más, porque se xuega el so futuru y pue desapaecer pa -yos proximes elleciones.

En cambiu el PSOE, va a esta reforma l´estatutu, colos presupuestos aprobaos, sabiendo esa debilidá de Foro, polo que nun yos va facer nenguna concesión, allargaran la negociación pa  un llegar a nengún acuerdu, faciendolos culpables, apaeciendo después como los grandes defensores de la Cultura Asturiana. Cuando la reforma l’Estatutu la llevaba  el PSOE nel so programa electoral y non Foro.

En cuanto a Ciudadanos, el PSOE cortexolos nestos presupuestos, y va seguir cortexandolos nos próximos, porque sabe que pa les proximes elleciones van desapaecer, tan mui quemaos col PP,  van por so votu.

Mui probable, el PSOE pa -yos próximes elleciones al Parlamentu Asturianu, saque mayoría absoluta, el sr Barbón cumplió’l so oxetibu, que foi xenerar opinión pública favorable pa rellanzar la so carrera política.

Dempués van venir  les elleciones al parlamentu d’España, el sr Barbón  va colar  pa Madrid a un Ministeriu de los importantes, iran  preparandulu pa sustituyir al sr Pedro Sanchez pa optar a la Presidencia del Gobiernu d’España.

La pena de tou esto, ye que esti engañu, manipulación y despreciu a la nuesa cultura y xente, que lleven años faciendo, pa ellos nun tien nengún costu políticu, una y bones nun hai un partiu nacionalista Asturianu fuerte, que recueya esi votu Asturianu y vean apeligrar los sos intereses.

L’abrir agora la tema la Oficialidá, tien una cosa positiva y otra negativa.

La positiva, qu’espierta’l sentimientu Asturianu de muncha xente que taba un pocu dormiu.

La negativa, que al nun ver meyores, pue desilusionara muncha xente y quemase.

Nel Ensame Socialista Ástur, vamos entamar una campaña pa esplicar lo que ye un Estatutu, la reforma de la Constitución y los beneficios que tien pa Asturies negocialu bien.

La oficiadá del nuestru idioma (Asturianu y Eonaviego)  solo va consiguise cuando’l nacionalismu Asturianu d´esquierda entremos nes Instituciones, pero pa eso fai falta compromisu políticu, qu’esperemos algamalu.

ENSAME SOCIALISTA ASTUR

(Estaya Política)