MOMENTU IMPORTANTE PAL NACIONALISMU (2ª parte)

MOMENTU IMPORTANTE PAL NACIONALISMU (2ª parte)

El nacionalismu/soberanismu atopamonos un momentu históricu, pa el desarrollu del nuestru proyectu políticu, económicu, social, cultural, medioambiental que nos dexe entrar nes Instituciones.

Los grandes partios PSOE, PCE-IX, que yeren mui fuertes n´Asturies, yá nun tienen base social, nin busquen el bien social. La so base social los abandonó al sentise traicionaos, nin manera de recuperala.

La so base social taba alcontrada principalmente nes empreses públiques onde yeren mui fuertes, por cuenta de los sos sindicatos hermanos (UGT- CCOO). Eses empreses públiques yá nun esisten.

Tamién nes Instituciones que gobernaben (Gobiernu Central, Xunta, Conceyos) dende la entrada de la democracia, que-y dexaron tener una base social grande, que fueron adulces perdiendo pol so xiru a la derecha.

Eses fiestes de partíu tan multitudinaries que facien pa los militantes y simpatizantes, tantu’l PSOE como’l PCE, yá non esisten.

La fiesta multitudinaria Asturlleonesa de Rodiezmo, que facia en septiembre la UXT para’l PSOE, dende l’añu 1979 hasta l’añu 2012, solamente suspendida  nel añu 1995 pola muerte de 14 trabayadores del pozu Nicolasa d’Hunosa.

Por aquella fiesta tan multitudinaria, pasaron tolos líderes del PSOE y UGT. Felipe González, Alfonso Guerra, Zapatero, Cándidu Méndez, Villa, Ministros, tolos dirixentes y cargos públicos del PSOE y UXT, pasaron en dalguna edición por Rodiezmo.

Aquella fiesta foi adulces decayendo, a midida que el PSOE, foi xirando a la derecha y perdiendo la so base social.

Nel 2012 foi la última vegada que se fizo, había poca xente, aun poniendo autocares gratis. La so base social taba dándo-y el llombu, yá nun confiaben nellos, decidiendo suspendela pa siempre.

Lo mesmo le pasó  al Partíu Comunista d’España (PCE)  na fiesta que celebra añalmente en Madrid  nel mes de setiembre, yera una fiesta multitudinaria. Güei esa fiesta ye bien pequena, de resultes de la perda de gran parte de la so base social, al empar que diba sofitando al PSOE, n’aplicación de les sos polítiques neolliberales. 

El PSOE y PCE-IU yá non recuperen nunca la so base social d’esquierda, debiu a que adoctaron  el modelu económicu de la derecha( neoliberalismu), que tantu dañu ta faciendo a los trabayadores y les sos families, empobreciendolos.

La xente sigue votándolos, porque tienen que votar dalgún partíu, una y bones non alcuentren alternativa, voten al menos malu, pero non porque simpatizan con ellos.

Lo más grave, ye qu’una parte pequena d’esa base social, que se sintieron engañaos y traicionaos, mercó’l discursu fácil y metirosu de la estrema derecha y güei vota a VOX.

El PSOE y PCE-IU al perder la so ideoloxía y base social d’esquierda ta reculando, siendo más significativu naquelles comunidaes onde hai partíos nacionalistes o rexonalistes, como en Galicia onde el PSOE foi superáu pol BNG.

Un partíu que nun tien base social nin ideoloxía, ta condergáu a la desapaición.

La xente yá nun cree nesos partios, ta esperando que surda un partíu políticu seriu, porque precisa un cambiu social.

Podemos foi un bon exemplo del sofitu de la xente para esi cambiu social, pero non lo supieron xestionar.

Muncha xente votó a Podemos, non porque simpatizara cola su ideoloxía, si non, porque precisaba un cambiu social, y en esi momento, pensó que yera’l únicu partiu que lu podía dar.

Pero Podemos, lo que fizo foi meter ideoloxía comunista, y n’especial los sos antiguos socios de coalición, los Anticapitalistas, y perhí la xente nun pasó, dandoyos el llombu. Podemos pasó de 69 diputaos presentándose ellos solos, a 35 que tienen anguaño xuntu al PCE-IX.

Por eso, la xente precisa un cambiu social, non ideoloxicu. Esi cambiu dende lo social, solu lo puen dar los partios d’esquierda, nos, tamos preparaos pa ello.

Tamos nun momentu hestoricu mui importante pa dar esi cambiu que precisa Asturies. Per una parte, yá pasaron más de 40 años desde que entamó el proyectu políticu del Nacionalismu Asturianu, hai esperiencia pa non cometer los mesmos erros que nos llevaron a la marxinalidá.

La xente yá ye más madura y responsable. Hai proyectu políticu, económicu, social y cultural pa Asturies. Los grandes partíos d’esquierda que yeren fuertes, yá los abandonó la so base social. Esti ye un momentu hestóricu que tenemos qu’aprovechar pa entrar nes Instituciones.

Cuando entremos nes Instituciones, empezara a camudar tou. Atoparemonos con un PSOE mui débil, apuntalau por PCE-IX y en dalgún momentu que lu precisa por Podemos, ensin ideoloxía, ensin base social, con una política económica de dereches, apurríu a los intereses del Gobiernu Central, con una economía en retroceso. Faciendo bien les coses nes Instituciones, el crecimientu va ser grande.

Esi apuntalamientu per parte del PCE-IX y Podemos al PSOE, lo que ta provocando, ye que tola corrupción (casu Villa, casu Marea, casu Niemeyer, Muselon etc.). Despreciu a la nuesa Cultura y xente. Aplicación del so modelu económicu Neolliberalismu (política económica de la derecha) que ta destruyendo l’estáu del bienestar, nun tenga nengún costu políticu pa ellos( PSOE), permitiéndolos siguir gobernando -yos Instituciones (Xunta, Conceyos).

Tenemos que tar preparaos, conocer tolos problemes d´Asturies, ser fuertes nes Instituciones, pa cuando venga’l federalismu, poder negocialo bien dende Madrid.

Vamos dir otra vegada a Podemos (que nos perdonen los sos militantes), pa poder esplicar como empiezen a camudar les coses cuando entra un partíu nuevu d’esquierdes, qu’ellos non controlen nes Instituciones.

Podemos naz en marzu de 2014, en mayu presentase por primer vegada a unes elecciones, yeren les del Parlamentu Européu, con Pablo Iglesias encabezando la llista. Había munches mires haber que pasaba, yera un partíu nuevu d’Esquierda.

Neses elecciones de mayu de 2014, Podemos sacó 5 Eurodiputaos, aquello asustó enforma a les élites Políticu y económiques, qu’empezó rápido a movese.

Lo primero que ficieron foi tirase a salvar la Monarquía. Sabíen qu’el Rei yera un corruptu, que yá non lo podíen tapar más, porque había un partíu nuevu d’esquierda qu’ellos nun controlaben.

Nesa operación, participaron los expresidentes del Gobiernu Felipe González, José Luis Rodríguez Zapatero y José María Aznar, presionando a Juan Carlos para qu’abdicara, nel so fíu Felipe, como asina asocedió, en xunu d’esi añu 2014.

El PSOE, tambien movióse, punxo a una persona nueva, Pedro Sanchez al frente del partíu, pa compensar a Podemos que yeren toos nuevos, abandonando la política les persones que llevaben tola vida como Alfonso Guerra, Rubalcaba, y otros, para nun perxudicar el partíu.

El casu d’Alfonso Guerra, ye de los casos más corruptos que taben en política. Dexó qu’el so hermanu Juan Guerra ficiera negocios privaos gracies a la so influencia política, nun Organismu Públicu, como yera la Delegación del Gobiernu n’Andalucía.

Cuando españa l’escándalu, 9 años dempués de tar faciendo negocios, Alfonso Guerra tuvo que dimitir en xineru del 1991 de Vicepresidente del Gobiernu de Felipe Gonzáles, pero siguió col so carrea política como si nun pasara nada, siendo diputáu con cargos importantes nel Congresu y nel partíu, hasta l’añu 2014 qu’entró Podemos, dando una normalidá de corrupción y política.

Por eso, Alfonso Guerra nun perdona a Podemos el xubilalo de la política y siempre que tien oportunidá, acomete contra ellos con saña.

Tamién se produció otru acontecimientu, que foi la primer vegada en democracia que se produz un Gobiernu de coalición.

Si nun esistiera Podemos, tou tescendiera como siempres, Juan Carlos siguiera como Rei: Alfonso Guerra como diputáu. Pedro Sanchez nun sería presidente del Gobiernu, una y bones el PSOE pondría a otru del aparatu y nun hubiera primaries. Nun había gobiernu de coalición.

Los cambeos que se producieron cola entrada d’un partíu nuevu qu’ellos nun controlaben fueron grandes, anque Podemos depués foi per otru camín.

Por eso, la importancia tan grande de entar nes Instituciones el Nacionalismo/Soberanismo de izquierda, que ellos non controlen ni se vende, lo que diben cambiar les coses n´Asturies.

Los partíos políticos basen la política na imaxe, y personalicen el partíu nun líder, eso ye un gran erru que non podemos cayer, yá que si esa persona comete un erru, repercute en tol partíu.

El voceru del partíu, que suel ser el númberu unu nes candidatures, ye’l que tresmite a la xente el trabayu del partiu. La xente cee que ye el solu’l que fai tol trabayu, porque los otros partios asina lo ficieron ver.

Esi voceru, tien que curiar mui bien lo que fala en públicu, dar bona imaxen, tener oratoria, y nun cayer en prevocaciones, nin tar desconectau de los sos militantes. Una mala actuación pue tirar en baxo el trabayu del partiu, como pasu con Pablo Iglesias dirixente de Podemos, al cayer na tranpa que y tendio la banca cola compra del xalé.

La compra del xalé de Pablo Iglesias, foi una maniobra preparada polos grandes grupos financieros cola banca a la cabeza, para desprestixalo, humildalo de cara a la opinión pública y debilitar el partíu.

Con antelación fracasaron en toles acusación que-y fixeron (financiamientu al traviés d’Irán, Venezuela, de sofitar a ETA etc.)

La vivienda, qu’adquirieron por 615.000 euros, tien 268 metros cuadraos construyíos, con una parcela de más de 2.000 metros cuadraos, piscina, ampliu xardín y hasta casa d’invitaos.

El xalé de Pablo Iglesias tenialo embargáu un bancu en 615.000€ que yera lo que debíen los antiguos propietarios d’hipoteca.

Esi xalé valía nesa zona 1.230.000 €, el bancu poder vender n’ese aprecio, pero ofrecieronilu a Pablo Iglesias en 615.000€ a ver si picaba, para depués desprestixalo, acusándolo de burgués, arrastrándolo pola basura de los sos medios de comunicación, que són la mayoría.

Una vegada que roblen la operación de compra, yá taba tou preparáu (semeyes, detalles de too el xalé, preciu de los xalé de la zona) con tola artillería preparao de los medios de comunicación de la derecha.

Hai que ser coherente colo que fales y representes. Si vives n’una vivienda de protección oficial en Vallecas, enriba presumes d’ello, representes a los trabayadores y a les clases más desfavorecidas, y cuando estes nel Poder camudes para un xalé, una parte importante de les persones que representes van quedar decepcionaes.

El bancu nun perdió nada, recupero los 615.000€ que debíen d’hipoteca, pero los otros 615.000€ que podía ganar de más, si haber vendió al preciu de mercáu en 1.230.000€, fixo una inversión mui rentable, desprestixar un rival políticu frutu de la so incoherencia, perxudicando descomanadamente al partíu, y a los trabayadores que representa.

Queda un añu pa -yos elecciones Municipales y de la Xunta, somos poca xente comprometía con esti proyectu Asturianu y Socialista.

Un Socialismu democrático, onde convivan un sector públicu fuerte, con un sector priváu non especulativu, que xenere riqueza pa Asturires.

Trabayamos pol desarrollu del Estáu del Bienestar, ensin nengún compromisu con nenguna ideoloxía, que nos faiga ser dogmáticos a la hora d’encarar los problemes de Asturies. El nuesu fin ye buscar el bien social.

Les propuestes polítiques, económiques, sociales, culturales, que tenemos desenvueltes para Asturies, tán toes recoyíes na Constitución (estatutu nes mesmes condiciones qu’otres comunidaes, vivienda pública, sanidá pública, educación pública, empreses públiques, servicios sociales públicos, cultura, orden públicu, etc).

Va ser mui difícil que nos presentemos a estes elecciones, vamos siguir trabayando, dando a conocer el nuesu proyectu.

Ensame Socialista Astur

(Estaya Política)

 

No Comments

Post A Comment