RECONOCENCIA, PROTECCIÓN Y DESARROLLO DE LA NUESA CULTURA

La cultura (idioma, arte, educación, lliteratura, creencies, música, tradiciones etc), ye ún de los rasgos fundamentales que meyor define la identidá d´un pueblu, anque destruyila seya una de les prioridaes del poder (Banca, multinacionales, relixones, grandes grupos financieros etc), asina como los sos partíos( PP, PSOE, PCE-IU, VOX).

La cultura ye un elementu de xunión social, cuanto más fuerte y rica ye la cultura d´un pueblu, más fuerte y xuníu ta´l pueblu y mas dificil ye desanicialu.

La oficialidá ye perimportante pal desarrolu de nuesa cultura y supervivencia.

El PP, PSOE, PCE-IX, tienen zarráu dende l’entamu de la democracia la reconocencia de la nuesa hestoria como Pueblu, la protección  de la nuesa cultura, negándose a reconocela, desenvolvela y  protexela, al traviés del Estatutu aprobáu nel añu  1982, lo que nos fixo tener una Autonomía de segunda clase. Mientres toos estos años negáronse a refórmalo, para equiparanos a otres comunidaes más desenvueltes.

El tener un buen Estatutu en tolos aspeuctos, tanto políticu, social, cultural, como de financiación, va condicionar el poder disfrutar d’unos servicios sociales de calidá, y d’unos avances políticos y culturales mui importantes pal desarrollu y futuru del nuesu Pueblu.

La mayor amenaza y hostilidá escontra la nuesa cultura son los poderes públicos, representáu nos partíos políticos PP; PSOE, PCE-IX. PODEMOS, VOX, que se nieguen a protexer, potenciar y desenvolver, avergoñándose a utilizar el nuesu idioma en públicu, tratándola como una llingua folclórica.

El despreciu d’esos partíos escontra la nuesa Cultura, ye más agresiva que na dictadura franquista, porque se sienten legitimados polos votos.

Les llingües non solo sirven para comunicase, tamién contienen cultures. Si matamos una llingua, matamos una cultura. Por eso ye tan importante faela oficial para protexela, porque cuerre’l riesgu desapaecer. El castellán ye una llingua falada por millones y millones de persones, nun fai falta que la protexamos, nun cuerre nengún riesgu.

La cultura xune al pueblu, defende los sos intereses, sirve para pensar, por eso al Poder dalu tantu mieu. Consideren la nuesa Cultura un rival políticu qu’hai qu’esaniciar.

La cultura siempres dio mieu a muncha xente. La cultura nun tien maldá. La maldá ye solo humana. La diversidá llingüística ye fundamental y arriqueznos.

Va unos años apaeció por Asturires, un estudiante d’una universidá Americana interesándose en faer un estudiu sobro la Cultura Asturiana y los partíos Nacionalistes o Asturianistes  que la defendíen.

En realidá lo que venía yera a ver la fuerza que teníen los partíos Nacionalistes o Asturianistes pa que non apeligraren les inversiones que diben faer les empreses Americanes en Asturies.

Saben que los partíos Nacionalistes o Asturianistes tienen una Cultura bien enraigonada, defenden los interés de Asturires frente al espoliu y l’esplotación llaboral.  Esti estudiu taba financiáu pol Estáu Americanu.

Nestos 41 años d’Estatutu, reformóse dos vegaes, nos años (1991 y 1999) en temes puntuales, para adquirir más competencies tresferíes dende Madrid, ensin qu’estos partíos políticos lo pidieran. Modificáronse para adaptalo a les nueves competencies, como Xestión de les prestaciones y servicios sociales del sistema de Seguridá Social. Coordinación hospitalaria. Ordenación farmacéutica. Investigación. Defensa del consumidor y del usuariu y delles más.

Estes reformes fueron aprobaes pol PP y PSOE, negándose ampliales, perdiendo una gran oportunidá para la protección y desenvolvimientu de la nuesa Cultura.

Nel añu 1996 naz El Pautu pol Autogobiernu y la Oficialidá, como un alcuerdu promovido pola Academia na que formaben parte asociaciones y partíos, per primer vegada saca a miles de persones a la cai.

Durante les movilizaciones del Pautu. el 5 de xunetu de 1997 el Conceyu Bimenes declaraba l’asturianu como llingua oficial nel so términu municipal. Nos meses siguientes los conceyos de Casu, Castrillón, Morcín, Llangréu, Teberga, Llaviana y Llanera faen lo mesmo.

Eses declaraciones de llingua oficial son impugnaes  pola Delegación del Gobiernu, valtiándoles el Tribunal Cimeru de Xusticia d’Asturies.

Bimenes retuló -yos dependencies municipales n’asturianu, siendo’l primer conceyu en declarar oficial la so toponimia, celebrando tolos años nel mes de xunetu la fiesta de la oficialidá, coincidiendo na fecha cola primer declaración.

El 23 de marzu de 1998 el Parlamentu Asturianu aprobó la Llei de Promoción y Usu del Bable Asturianu, que regula los derechos de los ciudadanos a utilizar el Asturianu y l’obligación de l’alministración a faer qu’estos derechos se cumplan. Estos derechos son incumplíos sistemáticamente polos organismos públicos. Amás solo se precisen 23 diputaos para derogala, los mesmos que para aprobala.

Esta llei foi apautada ente’l Partíu Popular y el Partíu Asturianista, que consiguiera un diputáu autonómicu, resultándo ser clave nes votaciones parlamentaries.

La llei ta vacida de conteníu xurídico, como se demostró na anulación de les ordenances municipales del Asturianu  de Noreña, el  Plan de Normalización de Carreño, desenvolvimientos llegales esplegaos al amparu del artículu 8.1 de la Llei d’Usu. Les decisiones xudiciales tán aprovechando l’ausencia d’oficialidá del Asturianu para baltar les normes.

N’ese 1998, diéronse les condiciones para la reforma del Estatutu qu’incluyera la oficialidá. Había respaldu y movilización social importante, el Pautu pol  Autogobiernu y la Oficialidá convocaba movilizaciones qu’allegaba muncha xente. El PAS, yera la llave pa que gobernara el PP en Asturies. El PP Gobernaba también en Madrid, si había alcuerdu n’Ásturies nun podía bloquialo nel Parlamentu. José María Aznar Presidente del Gobiernu, concedió-yos a los nacionalistes Vascos y Catalanes tolo que pidíen, tantu en trasferencias como en política (averó a presos d’ETA, consideró a la ETA como’l  Movimientu Nacional de Lliberación Vascu). Cuando s’entrevistaba con Jordi Pujol faía-y la pelota, diciendole que falaba Catalán na intimidá.

Unos años más tarde, Jordi Pujol foi declaráu Español del añu na portada del ABC, n’agradecimientu por  frenar al nacionalismu, sofitar la Constitución y ayudar a la gobernabilidad  d’España, tantu al PSOE como al PP. Un miembru destacáu del so partíu Miquel Roca, foi unu de los padres de la Constitución.

Xabier Arzalluz dirixente de la PNV emponderando a José María Aznar, con aquella famosa frase. Consiguimos con Aznar en 14 díes, más que con Felipe González en 13 años.

En Asturies el PAS sofitaba’l Gobierrnu del PP, nun quixo presionalo para incluyir na reforma del Estatutu y la oficialidá, vendióse  d’una manera descarada.

El Pautu muerre al cerrase la reforma del Estatutu en 1999, apautada pol PSOE y PP ensin incluyir la oficialidá.

El presidente del Gobiernu de Asturies Sergio Marqués (PP) decidió romper les relaciones col so partíu, el 2 d’avientu de 1998. Fundó la Unión Renovadora Asturiana (URAS), partíu de corte rexonalista.

En 1999 la URAS preséntase por primer vegada a les elecciones al Parlamentu de Asturies, ocupando’l mesmu espaciu políticu que tenía el PAS, derecha rexonalista, absorbiéndo-y  el diputáu. El PAS nunca más volvería a recuperaralo. La URAS llogró neses elecciones 3 diputaos. Unos años más tarde en 2007, fueron xuntos a les elecciones.

Nel 2004 produzse un cambéu de Gobiernu n’España. El PSOE gana les elecciones, siendo Presidente del Gobiernu José Luis Rodríguez Zapatero, qu’abre la reforma de los estatutos.

En 2004 naz El Conceyu Abiertu pola Oficialidá (CAO) una plataforma para trabayar na reforma d’Estatutu y la Oficialidá

La reforma nunca se fixo, pola negativa del Gobiernu Asturianu de coalición (PSOE, PCE-IX-BLQ-VERDES), a incluyir nesa reforma la Oficialidá.

El CAO ta impulsáu pola Xunta pola Defensa de la Llingua Asturiana, lo integran un centenar d’organizaciones (polítiques, sindicales, sociales, culturales, deportives  …) de los cualos formen parte (IX,  Bloque por Asturies, Unidá Nacionalista Asturiana, Mocedaes Socialistes d’Asturies, Partíu Carlista d’Asturies, Fai! Asturies…), sindicales (CCOO, UXT, USU, SUATEA…).

Na presentación, los representantes de la Xunta pola Defensa de la Llingua Asturiana tán bien ilusionaos col proyectu. Declaren, el CAO va dexar d’esistir el día en que l’Asturianu consiga la oficialidá. Cometieron l’erru de pensar qu’el CAO lo controlaban ellos, cuando siempres tuvo controláu pol PCE-IX, y apenes duru 4 años, porque al PCE-IX entró a formar del gobiernu de coalición col PSOE nel 2007 y lo destruyó.

El PCE-IX y el so sindicatos CCOO xuntu con UXT controlaron la plataforma, yá que quien controla’l CAO ye’l partíu y sindicatos que tienen poder de movilización, los que faen que la movilización seya un ésitu cuado-yos interesa (averar a la mayor xente posible ilusionándolos) y un fracasu cuando nun-yos interesa (en tando averaos a desmovilizar y quemalos pa que colen pa casa desilusionáivos); eso namás lo pue facer PCE-IX, CCOO, UXT, -yos demás organizacines non, amás de salir en tolos los medios de comunicación nes movilizacines y apaecer como los grandes lluchadores de la Cultura Asturiana, cuando son los grandes verdugos.

Nél 2006 el CAO, empecipia la movilización Caravana pola Oficialidá, onde decenes de coches percuerren los Conceyos de Asturies, informando sobro la necesidá de la reforma del Estatutu y la Oficialidá.

Nel 2007, nel  mes de payare el CAO, fai una gran manifestación n’Uviéu, saliendo de la Estación del Norte hasta la Plaza de la Catedral, con distintes marches a pie  de dellos Conceyos, les Cuenques Caudal y Nalón, Xixón , Avilés, Siero, Trubia, que lleguen  a Uviéu pa unise a la manifestación a la hora de la salida.

Nel 2007 hai elecciones al Parlamentu Asturianu, el PAS y URAS van en coalición, el PSOE y PCE-IX-BLQ-VERDES, fixéron-yos una guerra bien puerca para torgar que tuvieren representación.

El PSOE, cuando apenes faltaben un mes para les elecciones, compra al Alcalde de Sariegu Javier Parajón, que taba en URAS, traicionando a Sergio Marqués, abandononando URAS, saliendo en tolos medios de comunicación, dando una imaxe pública de partíu ensin futuru, depués preséntase a les elecciones de Conceyu  como independiente.

Nesa operación de compra, Vicente Alvarez Areces, prometió-y inversiones para Sariegu.

Cuando faltaben cuatro díes para abrir la campaña electoral, nun actu de caciquismu, corrupción e impunidá y tando totalmente prohibíu, el  PCE-IX-BLQ-VERDES, peguen tola propaganda electoral que teníen destinada en Asturianu, para causar ellos el primer impactu, eso ta perfectamente estudiáu.  Los demás partíos nun protestaron nin la xunta electoral. Eso amás de guerra puerca ye corrupción pura y dura.

Dempués d’esa guerra puerca, la coalición URAS-PAS, nun llograron representación. Sergio Marqués abandona la política. El PSOE llogró 21  diputaos el  PCE-IX-BLQ-VERDES 4.

Nel 2008 volvió reeditase’l Gobiernu de coalición ente’l PSOE y PCE-IX-BLQ-VERDES que teníen dende’l 2003. A partir d’ende camudaría tou. El PCE-IX-BLQ-VERDES dexaría morrer el CAO, al dir desmovilizándolo, dempués de la traición, al formar parte del Gobiernu y negar la Oficialidá.

Recordemos los fechos

El Gobiernu del Parlamentu de Madrid, presidíu pol Sr José Luis Rodríguez Zapatero, durante el so mandatu (2004-2011)  autorizó la reforma de los Estatutos Autonomía, para que cualquier  Comunidá Autónoma que quixeren reformalos podríase facer. El PP oponíase a la reforma.

Reformáronse nes Comunidaes Autónomes de Cataluña, Valencia, Andalucía, Aragón, Castiella y Llión, Navarra, Estremadura, Illes Balears. En Astuires nun se reformó.

Nel añu 2008 hubo un intentu de reforma del Estatutu, con el  Gobieru de cualicion PSOE, PCE-IU-BLQ-VERDES, que nun se llevo a cabu por que non contemplaben la oficialidá, perdiendo una gran oportunidá.

Recordando lo que paso nesi intentu, de reforma l´Estautu de 2008, fue que  enantes de ponese  a falar, el PCE-IU-BLQ-VERDES, col tema de la  cultura que resultaba más comprometío pa ellos, pretendíen solucionalo cola guerra sucia, como siempre lo ficieron.

Aconceyáronse en Salas, porque son verdaderos maestros nello, encabezaba la delegación el desapaeciu selmanariu Les Notices, y toa la xente del entornu del PCE-IU-BLQ-VERDES.

La misión d’ellos, yera intoxicar y manipular, pa influyir sobre la opinión pública Asturiana y los ambientes Asturianos pa facer ver que´l gobiernu del PSOE, PCE-IU-BLQ-VERDES, consiguió coses importantes na defensa de la nuesa cultura, y que se podía protexer el nuestru idioma (Asturianu e Eonaviego) esin necesidá de facelu oficial, porque la Reforma del Estatutu que pretendíen camudar nun contemplaba la Oficialidá.

A la vez que arremetíen con fuercia y desprestixaben a Instituciones Asturianes como L´Academia de la LLingua Asturiana, grupos culturales como La Xunta pola Defensa de la LLingua, que taben lluchando pola nuesa cultura y que nun veíen nengún avance col  gobiernu(PSOE, PCE-IU-BLQ-VERDES). Despues arrenunciaron nello, pol enorme rechazu social que xeneró.

Foi la mayor traición y despreciu fecha pol PSOE, PCE-IX-BLQ-VERDES a miles d’Asturianos/es, qu’en plena movilización del CAO, metiéron-yos la puñalada.

Los responsables d’aquella traición per parte de PCE-IX, Jesús Iglesias, Francisco Javier García Valledor, del BLQ, Rafael Palacios, que formaben parte del CAO, siendo al empar parte del Gobiernu, negando la oficialidá.

Nel 2008 el CAO empecipia la campaña Doi la cara pola Oficialidá  lo que sería una de les sos últimes movilizaciones.

La campaña consistía en percanciar apoyu de persones de distintos ámbitos, políticu, cultural, deporte, música etc. Munchos con relevancia social, acompañaos d’un cartelu Doi  la cara pola Oficialidá con una semeya, alcalzando mas de 10.000 persones.

Estre les persones con relevancia social destaquen los  futbolistes internacionales  David VillaSanti Cazorla, Enrique Castro “Quini”, Secundino Suárez “Cundi”; l’árbitru internacional Mejuto González; ciclistes como Chechu RubieraBenjamín NovalSanti Pérez o Carlos Barredo, amás del medaya d’oru nos Xuegos Olímpicos de Beijín Samuel Sánchez; los pilotos Javier Villa y Alberto Hevia; el tenista Galo Blanco; los piragüistes Manuel Busto, Fran Llera o Javier Hernanz Agüeria; escritores de la talla de la finada Corín TelladoCarmen Gómez OjeaXuan Bello; presentadores de televisión como Sonia Fidalgo, Ana Vanessa Gutiérrez o Pablo Vaquero; músicos como Víctor Manuel, Jose Ángel Hevia, Alicia Álvarez…

Mientres esa xente Asturiano que destacaba nel  deporte, música, lliteratura, etc, comprometíase sofitando y esixendo la protección de la nuesa Cultura, al mismu tiempu, los partíos corruptos PCE-IX, BLQ de Rafael Palacios y PSOE, que taben Gobernando xuntos, taben traicionándolos, reprimiendo con fuerza la nuesa Cultura, negando la Oficialidá.

El CAO nunca fixo un comunicáu públicu denunciando la traición, lo que demuestra’l control que teníen esos partíos corruptos sobro la plataforma.

Nes elecciones al Parlamentu Asturianu de 2019, durante la campaña electoraral, el  PSOE prometió si lo daben los númberos, empecipiaría la reforma l´ Estatutu y la Oficialidá, forzau por estratexies electorales, utilizando una manera mui puerca de algamar sofitu social, atraviés de la nuesa Cultura y xente, al dir pol votu Asturianu, solo por interés políticu.

Esa estratexia electoral, taba motiva, porque al haber más partios, VOX, PP, Ciudadanos, Foro, Podemos que taba mui fuerte con 9 diputaos, el votu taba más repartiu, el PSOE tenía mieu quedara tras y perder diputaos. Tamién la corrupción, el casu Villa, taba bien reciente y podía pasa-yos factura. Por eso fueron pol votu Asturianu plantegando la reforma l´Estatutu ensin creer nella.

Intoxicando como siempre ficieron, faciendo ver el PSOE, que tan dispuestos a dar la oficialidá cuando son too mentires y manipulaciones.

Nel 2021, Xunta pola Defensa de la Llingua , aprovechó l’anunciu del presidente Adrián Barbón de que va abrir la reforma del Estatutu d’Autonomía para convocar movilizaciones. Quieren que la negociación incluya la oficialidá.

El 16 d’ochobre de 2021 la Xunta pola Defensa de la Llingua Asturiana convoca una movilización n’Uviéu teniendo un gran ésitu. Según el organizadores más de 30.000 persones alleguen a la manifestación que califiquen d’hestórica.

El 3 de febreru de 2022, la Xunta convoca una concentración alredor de la Xunta  Xeneral n’Uviéu, faciendo  una O d’oficialidá formada poles banderes de la oficialidá.

El PSOE aprovecho l’erru de Foro, d’adelantrase a pidir contraprestaciones para sofitar la reforma del Estatutu y la Oficialidá para abandonar el so compromisu cola reforma del Estatutu y la Oficialida, cuando’l que se comprometió en campaña electoral a la reforma foi él  y non Foro, nun faciendo nada por que saliera adelantre.

El PSOE nunca fixo públicu nin presento nel Parlamentu Asturianu el so modelu de reforma del Estatutu cola Oficialidá, porque nun lo tien, nin-y interesa.

Nestes últimes elecciones al Parlamentu Asturianu de 2023, el PSOE yá abandonó por completu nel so programa electoral la reforma del Estatutu y la Oficialidá. Faía referencia d’una forma bien ambigua a la llei d’Usu, sabiendo qu’eso non -yos compromete a nada.

Pa finar, nin  el dictador franco, nin  El PSOE, PP, PCE-IX, PODEMOS, y agora VOX y SUMAR, nun van acabar cola nuesa cultura, yá sabemos  con qué cobardía actúen. Dexarónlo bien claro con fechos, lo que piensen de nuesa cultura y xente, nun van camudar.

Tenemos que solucionalo nós entrando en -yos Instituciones, esa ye la única salida. Para eso, precisamos más compromisu políticu.

ENSAME SOCIALISTA ASTUR

(Estaya Cultural)

 

 

No Comments

Post A Comment