PASQUÍN MANIFESTACIÓN 2026
Pasquín que repartimos el sábadu día 9 de mayu n’Uviéu, na manifestación convocada pola Xunta Pola Defensa De La Llingua Asturiana.
Dempués de casi cincuenta años de réxime del 78, PP, PSOE, xuntu con PCE-IX, PODEMOS, lleváronnos a una situación de xenocidiu llingüísticu y cultural. Tienen el mesmu proyectu de País pa Asturies que tenía’l franquismu, amarutáu de progresu. Esto sí ye racismu, discriminación y maltratu llingüísticu.
La inmigración masiva, mayoritariamente de fala castellana, como la que llegó los últimos años a Asturies, con gobiernos del PP, PSOE, onde la integración ye cada vez más complicada, al resultar imposible l’absorción d’unu ábanu como l’actual, contribúi a desestabiliza’l fráxil equilibriu que siempres hubo ente -yos dos llingües.
La llingua ye’l patrimoniu compartíu pola comunidá. La llingua materna ye la espresión del corazón, de les emociones, de la memoria, les identidaes, de los ciños primarios.
Falar a daquién na so llingua materna dicía Nelson Mandela, significa llegar al so corazón.
De les casi 7.000 llingües que se falaben nel mundu a principios d’esti sieglu (en Europa, 230), más del 90% nun van llegar al próximu sieglu. La llingua Asturiana tamos a lo cimero de la clasificación.
La salú de la llingua Asturiana ye más delicada que nunca. Tamos n’una situación d’emerxencia llingüistica, para salvala, ye necesariu un pactu Nacional pola Llingua.
El pactu pola llingua tien que ser ampliu, los Conceyos xueguen un papel bien importante, son l’alministración más próxima a la ciudadanía, tienen una gran capacidá d’incidir na promoción y el fomentu de la llingua, n’árees como la infancia, la mocedá, la inmigración, los deportes o la tercer edá, al traviés de programes, proyectos y faela accesible para poder usala en tolos ámbitos.
Hai qu’ellaborar un plan Municipal d’impulsu al Asturianu y Eonaviego, crear una mesa local pola llingua, garantizar que’l personal d’alministración pública y el subcontratáu tenga conocencia fayadiza y asegurar que s’inclúin clauses llingüístiques na contratación alministrativa, ente otros.
Solo si hai compromisu y faemos frente común na defensa del idioma Asturianu, vamos salir adelantre.
ENSAME SOCIALISTA ASTUR
(Estaya de Cultura)