ENSAME SOCIALISTA ASTUR
Pasquín que repartimos el sábadu 10 de mayu de 2025 n’Uviéu na manifestación convocada pola Xunta Pola Defensa De La Llingua Asturiana.
Somos un partiu políticu, Nacionalista Asturianu, Democráticu, Republicanu y Socialista, fundáu nel añu 2003, estructuráu dafechu, con un bon trabayu desarrolláu pa los próximos años.
L`oxetivu principal del nuestru proyeutu ye entrar nes Instituciones, los cambeos fáense dende les Instituciones, fuera d´elles, non esistimos, vamos ser marxinales como hasta agora, quemar a muncha xente mui válido y acabar desapaeciendo.
L’idioma Asturianu y Eonaviego va munchos años que ta en decadencia, pol abandonu y despreciu de les Instituciones Públiques, Gobernaes polos partíos non nacionalistes (PP, PSOE, PCE-IX, PODEMOS, VOX…). Nun quieren que se fale Asturianu porque ye l’alma de la nuesa identidá, nun quieren que nos sintamos Astuiranos.
La situación del Asturianu y Eonaviego ye muncho peor agora que durante el franquismu, el so usu taba prohibíu en toles actividaes públiques, pero los nenos/es nes escueles falaben ente ellos y xugaben nel patiu en Asturianu, los adultos se relacionaben ente ellos, na cai, nes tiendes, nel trabayu o nel campu de fútbol, en Asturianu, y toos falaben Asturianu en casa. Ya inclusive los fíos de enmigrantes castellanofalantes se relacionaben colos sos compañeros en Asturianu, anque na familia fora en Castellán.
Agora mesmo n´Asturies, tamos nun procesu de pérdiga del sentimientu Asturianu, que ye un elementu de xunión entre´l pueblu, como consecuencia del intentu desaniciu de la nuesa cultura, eso quier dicir, que les xeneraciones futures, pierden la conciencia Asturiana, quedando esin nenguna cultura y esin nenguna conciencia d´identidá, como si nun pertenecieren al nuesu Pueblu, por ello, totalmente manexables polos intereses foriatos nun procesu de colonización.
La cultura (idioma , arte, educación, lliteratura, creencies, música, tradiciones etc) ye tamién un pilar importantísimu pal desarrollu de la economía, yá que los Pueblos más concienciaos culturalmente son los que tienen mayor ésitu nel procesu económicu, como los Vascos, Catalanes, Xudíos etc.
La nuesa cultura muerre cuando nun hai quien la defenda nes Instituciones. Agora yá nun ye tiempu de reproches, de victimizar, de quexase polo que nos faen o nos dexen de faer, agora ye’l momentu de reaccionar y comprometese políticamente para poder entrar nes Instituciones.
La oficialidá ye perimportante pal desarrolu de nuesa cultura y supervivencia.
ENSAME SOCIALISTA ASTUR